Најважната награда што може да ја посака еден кинематографер е оваа, вели Самир Љума кој заедно со Фејми Даут се добитници на 34 доделување на „ASC“ наградите за најдобра кинематографија за Документарен филм.
Наградата на кинематограферите од „Медена земја“, нашите Самир Љума и Фејми Даут им ја додели режисерот и продуцент на „Џокер“ Тод Филипс. Тој во својата најава покрај другото како што пренесува Dedline.com рече дека ова е златно време на документарниот филм (golden age for documentaries).
Најпрестижната награда што може да се додели во светот на кинематографијата е токму „ASC Award“ награда, којашто ја доделува Американската асоцијација на кинематографери (ASC).
Ова е интервјуто со Самир Љума и Фејми Даут после побивањето на наградата:
„Медена земја“ има добиено повеќе од 15 награди на престижни фестивали ширум светот.
Тука секако се трите награди од „Санденс“ фестивалот, а „Медена земја“ пред неколку дена ја освои наградата за „Најдобар документарец“ на Националното друштво на филмски критичари и на Друштвото на филмски критичари во Њујорк, а Самир Љума и Фејми Даут ја добија наградата „Филмско око“ за исклучителни достигнувања во кинематографијата.
После „Пред дождот“ повторно еден македонски филм влезе во номинациите за Оскар, но овој пат тоа е историски успех зашто „Медена земја“ е номинирана во две категории. Македонскиот филм „Медена земја“ е номиниран за награда Оскар во категориите: „Најдобар документарен филм“ и „Најдобар интернационален долгометражен филм“.
Церемонија на Деведесет и второто доделувањето на Оскарите ќе се одржи на 9 февруари во Холивуд во театарот Долби.
Ј. Ѓорѓиоски
