Клучно е сега, како и досега, оружјето за нашата одбрана, оружјето од партнерите. Секојдневно и без никакви паузи работиме на зголемување на понудата на оружје, со цел да испратиме помоќни и далечни системи на фронтот, истакна украинскиот претседател во своето обраќање.
„Денес е Ден на воздухопловните сили на Вооружените Сили на Украина, и сега сакам уште еднаш да им го честитам професионалниот празник на сите воени пилоти и не само на нив – туку и на сите бранители и бранителки на нашето небо.
Сите ние сме горди на вас и ви посакуваме толку многу победи што руската војска едноставно се плаши дури и од самата помисла на нашето украинско небо.
Денес утрото им честитав на борците и командантите на Воздухопловните сили, им доделив државни награди на најдобрите војници.
Им ги доделив ордените „Златна ѕвезда“ на сопругите на загинатите херои на Украина – потполковникот Едуард Вахоровски и мајорот Дмитро Коломиец. Тие ги дадоа своите животи, спасувајќи ги своите браќа и заштитувајќи ја нашата држава. Вечен спомен и благодарност до Хероите!
Денес разговарав со Претседателот на Европскиот совет, Шарл Мишел. Го информирав за ситуацијата на бојното поле, за заканата што Русија ја создаде со ударот на нуклеарната централа Запорижја. Не постои таква нација во светот што може да се чувствува безбедно кога терористичка држава пука во нуклеарна централа. Не дај Боже, да се случи нешто непоправливо – и никој нема да го спречи ветрот што ќе ја шири радиоактивната контаминација. Затоа, уште сега е потребен принципиелен одговор на меѓународната заедница на овие руски напади врз АЕЦ Запорожјe – најголемата во Европа.
Ситуацијата во Донбас останува многу тешка. Нашата армија прави се за да го запре рускиот терор и да им нанесе најголеми можни загуби на окупаторите. Авдијивка, Писки, Маринка, Бахмуцки и други жешки насоки во Донецката област ги преземаат главните напори и, за жал, многу животи.
Тешко е и во Харкивската област, на југот на нашата земја, каде што окупаторите се обидуваат да ги концентрираат своите сили.
Клучно е сега, како и досега, оружјето за нашата одбрана, оружјето од партнерите. Секојдневно и без никакви паузи работиме на зголемување на понудата на оружје, со цел да испратиме помоќни и далечни системи на фронтот.
И следната недела очекуваме новости од партнерите во врска со пакетите за поддршка. Добри вести.
Во ова летно време, секоја недела има се повеќе информации дека окупаторите се подготвуваат за псевдореферендуми во окупираните области на југот од нашата земја. Сакам да кажам една многу едноставна работа: секој што ќе им помогне на окупаторите на кој било начин да ја реализираат својата намера, ќе одговара. Ќе одговараат пред Украина.
Ставот на нашата држава останува ист како и досега: нема да дадеме ништо од нашето, а ако окупаторите тргнат по патот на овие псевдореферендуми, ќе ја затворат за себе секоја можност за преговори со Украина и со слободниот свет, што дефинитивно ќе и треба на руската страна во одреден момент.
Следната недела ќе ја продолжам практиката на политички обраќања до претставниците на државите партнери и народите кои заедно со нас ја бранат слободата. Планирани се и низа важни преговори – и тоа не само со актуелните политичари.
Како и досега, Украина ќе стори сé за нашата борба и украинските потреби да бидат познати во сите земји во светот и во целата публика – дури и оние кои обично не го следат политичкиот живот.
Поточно, американската актерка Џесика Честејн денес пристигна во Кијив. Таа го посети „Охматдит“ и со свои очи ги виде последиците од руската окупација во Ирпин, Кијивската област.
Нејзиниот расказ за нашата војна дефинитивно ќе се слушне. Подготвуваме важна хуманитарна акција.
И јас сум им благодарен на сите пријатели на Украина во странство и на сите што помагаат да ги прошириме нашите врски во светот.
Правиме се за да победиме, се за да ја заштитиме нашата држава.
На сите нас Украинците ни посакувам плодна нова недела!“
