Добивањето енергија од фотоволтаичните системи е единствениот начин за добивање чиста енергија која нема да ја загадува животната средина, оценува Аријанит Џафери, претседател на Еко Герила која дејствува во областа на животната средина. Тој ги критикува обидите да се создава енергија од малите хидроцентрлаи, а како лоша ја оценува владината мерка за субвенцинирање на купување на инвертери за населението.
-Фотоволтаични централи наместо хидроценталите се иднина на создавањето чиста енергија. Во нашата држава придонесот на малитехидорцентрали во создавањето енергија е 3,9 проценти. Иако се мали имаат само негативно влијание. Има села каде нема вода за пиење и така и во други места може да биде, вели Џафери.
Мерката за субвенционирање на купувањето клима инвертери ќе донесе зголемена потрошувачка на електрична енергија и затоа сметаат дека нема да придонесе во намалувањето на загадениот воздух.
-Освен што се одолговлекува постапката лоша е како мерка и штетна за Битола. Затоа што 10.000 инвертери кои просечно трошат 1,2 киловат час електрична енергија на час,значи ќе ја зголемат потребата за струја за 12 мегавати на час. А струјата кај нас се произведува во РЕК Битола каде загадувањето е огромно. Освен тоа мислам дека тоа не е субвенција ова е инвестиција на ЕЛЕМ бидејќи ЕЛЕМ ги дават тие 10 милиони евра за инвертери затоа што ќе има поголемна придобивка- ќе има поголема потреба од струја, рече Џафери.
