Министерството за труд и социјална политика Јована Тренчевска изјави нема да се подигнува цензусот за примање на детскиот додаток – кај образовниот додаток, туку постојано и во 2023 година ќе расте минималната плата согласно новата методологија, бидејќи целта на социјалната реформа е повеќе приход во семејствата каде што примаат минимална плата.
-Целта на социјалната реформа во 2019 година беше за семејствата кои се наоѓаат во социјален ризик да бидат опфатени што поголем број на семејства и затоа беше воведен и детскиот образовен додаток не само за оние коишто се со ниски примања, туку за сите граѓани. Меѓутоа, од друга страна целта на реформата во делот на минималната плата, односно покачувањето на минималната плата е да семејствата имаат поголем приход во рамки на својот буџет. И затоа ја зголемивме минималната плата во март 2022 година со едно системско решение кое што значи постојан раст на платите, односно постојан раст на минималната плата, рече на новинарско прашање Тренчевска.
Минималната плата, додаде таа, ќе расте и во 2023 година согласно новата методологија што ќе значи повеќе приход во семејствата каде што примаат минимална плата.
-Затоа целта на Владата е не да ги држиме граѓаните во системот на социјална заштита, туку во системот на социјална заштита да може да влезат оние коишто се најранливи и оние коишто се материјално необезбедени. И тој аспект нема да ја покачуваме границата на цензусот за примање на детскиот додаток – кај образовниот додаток, туку ќе ја покачуваме постојано минималната плата. Не се голем бројот на граѓани коишто го изгубија правото на детски додаток, не повеќе од 500 деца го изгубија ова право што значи дека во семејставта кај овие 500 деца имаме повеќе приход во семејниот буџет преку зголемувањето на платите, нагласи министерката.
Во однос на проблемот лицата сегашни приматели за нега на туѓо лице кои не можат да го продолжат правото поради изменетите услови на банките, бидејќи бараат физичко присуство на лицето, а станува збор за лица кои се врзани за кревет, со деменција и слични заболувања, Тренчевска повика сите кои се соочуваат со ваков проблем да пријават во Министерството.
-На секое лице кое е неподвижно со деменција ќе му излеземе во пресрет. Ќе разговараме со банките. Со голем број банки соработуваме затоа што преку банките исплаќаме правата од социјална и детска заштита, како и пензиите. Ќе го решиме проблемот со Асоцијацијата на банките, вели министерката Тренчевска
