Со изведба на „Волшебникот од Оз“ денеска се одбележа Меѓународниот ден на детето во организација на Министерството за култура во соработка со училиштето за театар „Од игра до претстава“, на Школка во Градскиот парк.
„Магично попладне со Волшебникот од Оз! Им благодариме на неверојатната актерска екипа, како и на целиот тим од училиштето за театар „Од игра до претстава“ што го оживеаја овој безвременски класик! Насмевките на публиката ја направија вечерта навистина посебна. Ви благодариме на сите што заедно го одбележавме на Меѓународниот ден на детето. Посакувам уште многу вакви магични ноќи исполнети со љубов, радост и култура, објави министерката за култура, Бисера Костадиновска-Стојчевска.
Во „Волшебникот од Оз“ играа Неда Тасевска, Максим Апостоловски, Теофил Сачкарски, Андреј Танушев, Калин Атанасовски, Теона Трошанска, Матеа Кожаровска, Неда Блажевска, Андреа Стојковска, Јосиф Блажевиски, Ведран Маричиќ, Теодора Трајковека, Анастасија Геговска, Дарија Секуловска, Јана Палески, Јана Групчева, Марко Миноски.
Креативниот тим беше составен од преведувачката Мирјана Давчевска, шминкерката Марија Лападатовиќ и сценографите Горан и Александра Сачкарски. Продукцијата е под менторство на Игор Ивковиќ, Марина Поп Панкова, Миодраг Костиќ, Ирена Илиевска и Афродита Кирјаковска.
