Во кампањата на ОАЕ „Тарахум за Газа“ во текот на изминатите два дена се вклучија 10.100 волонтери кои помогнаа да се подготват 25.000 пратки со основни производи преку настани организирани во Абу Даби, Дубаи и Шарџа за палестинскиот народ во Појасот Газа, објави новинската агенција на ОАЕ – ВАМ.
Собрани се над 550 тони производи, а 120 тони хуманитарна помош со храна и други основни добра за мајки и деца се испратени во египетскиот град Ариш во соработка со Светската програма за храна. Помошта треба да стигне во Појасот Газа.
Кампањата е продолжение на посветеноста на ОАЕ за ублажување на хуманитарното влијание од катастрофи и кризи и намалување на нивното влијание врз најпогодените. Тоа е во согласност со пристапот на ОАЕ заснован на принципот на човечка солидарност и продолжување на напорите за поддршка и обезбедување помош на палестинскиот народ, особено на најранливите групи, вклучувајќи ги децата и жените.
