Под мотото „Ромскиот јазик – Коренот на ромскиот идентитет“ денеска на Филолошкиот факултет „Блаже Конески“ во Скопје ќе биде одбележан 5 Ноември, Меѓународниот ден на ромскиот јазик.
Во рамките на одбележувањето ќе се одржи академски час со учество на истакнати домашни и странски познавачи на ромскиот јазик и дискусија на тема „Значење и унапредување на ромскиот јазик“.
Воедно ќе бидат доделени 5-то Ноемвриски плакети за особен придонес во ромскиот јазик и литература и ќе се презентира изложбата „Ромскиот јазик – Коренот на ромскиот идентитет“.
