Катар го потврди првиот случај на коронавирус, соопшти денеска Министерството за здравство, посочувајќи дека станува збор за 36-годишен државјанин на земјата кој неодамна се вратил од Иран.
Откако Катар го пријави првиот случај на Ковид-19, Саудиска Арабија остана единствената земја од Заливот во која нема заразени лица. Во тој регион, најтешко е погоден Иран, каде починаа 43 лица, а речиси 600 се заразени.
Обединетите Арапски Емирати денеска им препорачаа на банките да ги репрограмираат кредитите и да ги намалат таксите и провизиите за да ги ублажат економските ефекти од епидемијата на новиот коронавирус. Кувајт ги повика своите граѓани да избегнуваат патувања.
