Турската полиција заплени 608 килограми кокаин, што е трета по големина заплена на тој вид дрога во историјата на земјата, соопшти денеска турскиот министер за внатрешни работи Али Јерликаја.
Дрогата, главно во течна форма, е запленета во операција спроведена во три провинции, објави Јерликаја на платформата Х.
Kocaeli merkezli 3️⃣ ilde elebaşılığını Lübnan ve Venezuela uyruklu olan Danı Talal Awad Abushanap’ın yaptığı “Uluslararası Uyuşturucu Madde” Organize Suç Örgütüne yönelik düzenlenen “NARKOÇELİK-11” operasyonlarında toplamda;
6️⃣0️⃣8️⃣ Kilogram Kokain ve
8️⃣2️⃣7️⃣ kilo 5️⃣0️⃣0️⃣ gram… pic.twitter.com/DmK5KPG04c— Ali Yerlikaya (@AliYerlikaya) April 11, 2024
Запленети се и речиси 830 килограми хемикалии кои се користат за преработка на дрогата.
Јерликаја рече дека полициската акција била насочена кон меѓународна банда, наводно предводена од државјанин на Либан и Венецуела, кој бил приведен заедно со четворица странци, членови на организирана криминална група и девет Турци.
Групите за надзор на организираниот криминал велат дека Турција расте како транзитен центар за кокаин што доаѓа од Јужна Америка во Европа.
