Дваесет и пет македонски државјани кои преку агенцијата „Коузон“ работеле на различни места низ Европа, во овој момент се заглавени на аеродром во Барселона, јави од аеродром во Барселона за Фронтлајн, еден од заглавените патници.
Тој нè информираше дека сите 25 македонски граѓани имале уредни авионски билети на релација Барселона – Истанбул со авиокомпанијата „Туркиш ерлајнс“, но и покрај тоа од авиокомпанијата не сакале да ги примат. Тој додава дека во авионот на Туркиш еарлајнс без проблем ги примиле сите турски државјани, но не и македонските. Кога ги прашале зошто тоа е така, од авиокомпанијата ѝм рекле да ја прашаат агенцијата која им ги резервирала билетите и откажале секаква друга соработка.
Заробените патници контактирале со агенцијата „Коузон“, од каде добиле одговор дека работат на изнаоѓање на решение.
Ј. Ѓ.
ПОВРЗАНО: (16.3.2020) Сите македонски државјани безбедно се вратени во Македонија, се во добра здравствена состојба и од надлежните погранични власти и медицински тимови добиле наредба за самоизолација.
