Возачот на Мекларен, Ландо Норис, победи на вчерашната трка од Формула 1 шампионатот возена за Големата награда на Сингапур.
Дваесет и четиригодишниот Британец победи на третата трка сезонава. Тој по шести пат во кариерата стартуваше од пол-позицијата.
Втор заврши Макс Верстапен од Ред Бул. Неговата разлика од Норис беше +20,945 секунди. Првата тројка ја затвори уште еден пилот на Мекларен, Оскар Пјастри (+41,823).
Следуваа Џорџ Расел (Мерцедес), Шарл Леклер (Ферари) и Луис Хамилтон (Мерцедес). Бодови уште освоија: Карлос Сајнц (Ферари), Фернандо Алонсо (Астон Мартин), Нико Хулкенберг (Хас) и Серхио Перез (Ред Бул).
Верстапен со 331 поен е лидер во генералниот пласман кај возачите. Норис има 279 бодови и е на второто место. Леклер е трет со 245 бодови.
-Знаевме дека ќе се соочиме со тешкотии овој викенд. Второто место е добро достигнување. Секако дека сме незадоволни од него. Сега треба да го подобриме нашето темпо. Тоа е она што ќе се обидеме да го направиме“, рече Верстапен по трката.
