Претседателот на Социјалдемократскиот сојуз на Македонија, Венко Филипче, денеска по повод Денот на лицата со попреченост порача дека секој граѓанин заслужува шанса да ги оствари своите потенцијали и да биде активен дел од општеството.
„Секој човек, без разлика на својата попреченост, има право на еднакви можности и достоинствен живот. Денес, на Меѓународниот ден на лицата со попреченост, ја нагласувам потребата да ги гледаме можностите, а не ограничувањата. Секој граѓанин заслужува шанса да ги оствари своите потенцијали и да биде активен дел од општеството.
Основаната темелна вредност на социјалдемократијата е грижата за сите.Посветеноста кон лицата со попреченост е вредност која ја градиме и негуваме. Во изминатите седум години обезбедивме образовни асистенти, ја зголемивме поддршката за семејствата и создадовме услови за нивна поголема инклузија. Но, најважно е секој од нас, како поединец и како заедница, секојдневно да вложува грижа, разбирање и почит.
Потенцијалот на лицата со попреченост е бескраен. Наша должност е да ги поддржуваме и охрабруваме нивните напори, не само денес, туку секој ден. Само така ќе создадеме општество во кое секој има еднаква шанса за успех и достоинствен живот“, посочи претседателот на СДСМ, Венко Филипче.
