Сите потрошувачи кои нема да успеат до крај на март да ги склучат договорите за набавка на електрична енергија и да изберат снабдувач поради вонредната состојба со корона вирусот, ќе продолжат да бидат снабдувани од ЕВН ХОМЕ ДОО Скопје, како снабдувач во краен случај со електрична енергија, во согласност со препораката на Владата, информира Регулаторната комисија за енергетика и водни услуги (РКЕ).
По доставената информација од нивна страна, а имајќи ја предвид фактичката ситуација со прогласената пандемија од страна на Светската здравствена организација во врска со болеста Ковид-19 (корона вирус), како што посочуваат, Владата донесе заклучок во кој му препорачува на ЕВН ХОМЕ, како снабдувач во краен случај со електрична енергија, да ја разгледа можноста за продолжување со снабдување со електрична енергија на сите правни лица кои требаше самостојно да набават електрична енергија по 31.03.2020 година.
Во исто време, нагласуваат од РКЕ, им се препорачува на сите правни субјекти, кога ќе се создадат услови, да ги преземат сите потребни активности за избор на снабдувач со електрична енергија од отворениот пазар.
– По донесениот заклучок од Владата, разговарав со првиот човек на ЕВН ХОМЕ, Штефан Петер, кој ме информираше дека се додека на сила е вонредната состојба и мерките за заштита од корона вирусот, ќе продолжат да ги снабдуваат со електрична енергија правните лица кои се на листата на потрошувачи од Електродистрибуција ДООЕЛ Скопје, коишто требаше досега да изберат снабдувач со електрична енергија од отворениот пазар, изјави претседателот на РКЕ Марко Бислимоски.
Тој нагласи дека во моментов има континуирана и сигурна испорака на електрична енергија.
– Сакам да ги повикам сите јавни институции и сите правни субјекти да пристапат сериозно и одговорно и веднаш штом се надмине оваа состојба да ги преземат сите неопходни активности со цел да излезат на слободниот пазар на електрична енергија, самостојно да изберат свој снабдувач со електрична енергија и да ги договорат меѓусебните услови на снабдувањето, вклучително и цената на електричната енергија. Потрошувачите коишто се во фаза на набавка на електрична енергија во предвидените рокови соодветно да ја завршат и да направат избор на снабдувач со електрична енергија, порача Бислимоски.
Според листата на потрошувачи од Електродистрибуција ДООЕЛ Скопје, најголемиот број на
потрошувачи кои треба да излезат на слободниот пазар до крајот на месецов се општини, установи, акционерски друштва формирани од Владата, јавни претпријатија, претпријатија формирани од општините, училишта, здравствени установи
