Денеска се пушта во употреба експресениот пат Куманово (Страцин) – Крива Паланка на Коридор 8. Изградбата на експресниот пат Крива Паланка – Длабочица – Страцин (Чатал) започна во мај 2018 година и е во должина од 25,55 километри. На пуштањето ќе присуствува премиерот Христијан Мицкоски
Инвестиционата вредност за изградбата е во вкупно вредност од 93,7 милиони евра од кои 80,20 милиони евра се финансирани со средства од Светска Банка и грант средства 13,50 милиони евра.
Како што посочуваат од Владата, експресниот пат се градеше во две фази и тоа: Лот 1 делница, Длабочица – Страцин (Чатал) во должина од 15.55 километри Инвестициона вредност на изградба е 43,75 милиони евра, финансиран со средства од Светска Банка и грант средства, и Лот 2 делница, Крива Паланка – Длабочица во должина од 10 километри е завршено во рок. Инвестициона вредност на изградба е 50,54 милиони евра, финансиран со средства од Светска Банка и грант средства.
Изведувач на работите на Длабочица-Чатал првично беше италијанската „Tirrena Scavi“ но поради слабиот прогрес договорот беше раскинат и работите ги продолжи Страбаг, а втората делница ја градеше „Гранит“. Надзорот над двете делници го вршеше ДИВИ Македонија.
