Американскиот производител на авиони Боинг донира еден милион долари за церемонијата на инаугурација на Доналд Трамп како претседател на САД, изјави портпаролот на компанијата.
Голем број големи американски компании, вклучувајќи ги Џенерал Моторс, Форд, Мајкрософт и Мета, исто така даваат донации за настанот на 20 јануари.
Досега Боинг донирал еден милион долари за последните три претседателски инаугурации, вклучувајќи ја и првата инаугурација на Трамп во 2017 година.
Во 2016 година, Трамп доби ветување од Боинг дека трошоците за развој на новиот претседателски авион, Ер Форс Уан, нема да надминат четири милијарди долари. Оттогаш, компанијата изгуби над два милијарди долари од значително одложената програма за испорака на два нови претседателски авиони од следната генерација.
Боинг е исто така под поблиска контрола од Федералната управа за авијација, една година откако големата плоча на вратата на авионот 737 MAX 9 се откина за време на летот. Подоцна било утврдено дека до несреќата дошло поради немање четири завртки.
Минатиот октомври Федералната управа за авијација објави нова ревизија на Боинг. Кандидатот за секретар за транспорт на Трамп, Шон Дафи, минатиот месец изјави дека сака да се погрижи Боинг да произведе безбедни авиони.
