Американскиот министер за одбрана во заминување, Лојд Остин, препорача зголемување на буџетот за одбрана за околу 50 милијарди долари повеќе од сегашните проекции за 2026 година, потег што може да ги поттикне трошоците за одбрана на повеќе од билион долари во наредниот период. објави денеска Блумберг.
Во писмото од 27 ноември до Канцеларијата за менаџмент и буџет, во кое увид имал Блумберг, секретарот Остин и препорача на администрацијата на новоизбраниот претседател Доналд Трамп петгодишен одбранбен буџет што предвидува 926,5 милијарди долари во фискалната 2026 година, во споредба со предвидената распределба од 876,8 долари милијарди долари.
Во писмото, исто така, се предлагаат трошоци за одбраната од 972,8 милијарди американски долари во фискалната 2027 година и повеќе од еден билион американски долари во фискалната 2028 година, со дополнителни зголемувања од над билион долари во фискалната 2029 и 2030 година.
Во предлог-буџетот за одбраната и националната безбедност за 2025 година, што беше објавен минатиот март, администрацијата на претседателот Бајден повика овие трошоци да се зголемат за само еден процент во споредба со претходната година.
Врз основа на двегодишниот буџетски договор, што беше постигнат во средината на 2023 година, зголемувањето на буџетот беше ограничено на еден процент.
Трамп минатата недела рече дека членките на НАТО треба да ги зголемат буџетите за одбрана на пет отсто од БДП, што е повеќе од сегашната цел од два отсто.
