Фондацијата на Бијонсе донира 2,5 милиони долари за погодените од пожарите во Лос Анџелес

„Лос Анџелес, стоиме со вас“, објави кусо фондацијата на Инстаграм доцна синоќа.

Парите се наменети за поддршка на семејствата во населбите Алтадена и Пасадена кои ги загубија своите домови. Помош ќе добијат и црквите и прифатилиштата што им пружаат засолниште и поддршка на погодените лица во тоа подрачје.

Во пожарите во Лос Анџелес досега се потврдени најмалку 24 загинати луѓе, како и огромно распространето уништување изминатата недела. За  следните денови, метеоролозите предупредуваат дека очекуваните силни ветрови би можеле дополнително да го разгорат пламенот.