Илон Маск, иако беше главен скептик за сериозноста на корона вирусот и паниката околу пандемијата ја нарече „глупава“ вчера соопшти дека купил над 1.200 респиратори од Кина, кои ќе бидат наменети за болниците во Калифорнија.
Милјардерот на својот Твитер профил вчера напиша дека помогнал да бидат снабдени 1.255 респираторни машини од Кина и организирал тие да бидат пренесени по воздушен пат. Се заблагодари на сите вработени во Тесла и на цариниците во Кина и Лос Анџелес за помошта.
Маск соопшти дека во петокот набавил респираторни машини од Кина, каде, тврди тој, има преголеми залихи.
„Да, Кина имаше преголема залиха, па купивме 1.255 ResMed, Филипс и Медтроник респиратори во петокот вечерта и тие се испратени по авион за Лос Анџелес. Ако сакате бесплатен респиратор, ве молам кажете ни!“ – пиша Маск.
Yup, China had an oversupply, so we bought 1255 FDA-approved ResMed, Philips & Medtronic ventilators on Friday night & airshipped them to LA. If you want a free ventilator installed, please let us know!
— Elon Musk (@elonmusk) March 24, 2020