Централната изборна комисија на Косово повторно појасни зошто не се прикажани првичните резултати од 100 отсто од избирачките места. Необработени останаа само податоците од 7 избирачки места. Тоа ќе се направи откако ќе се отворат на пребројување кутиите во кои се објавени формуларите за резултати на политичките субјекти“, велат од ЦИК на Косово, пренесуваат косовските медиуми.
Во Албанија денеска се одржуваат протести за поддршка на градоначалникот на Тирана, Ерион Велиај, кој е во притвор во Драч по обвинение на СПАК за злоупотреба на службената положба и перење пари.
Во продолжение се поместени сите содржини од денешниот редакциски избор на ЦИВИЛ Медиа, од албанските медиуми во регионот.
КОСОВО
Телеграфи: ЦИК повторно појаснува зошто не се покажани 100 отсто од првичните резултати
Централната изборна комисија на Косово повторно појасни зошто не се прикажани првичните резултати од 100 отсто од избирачките места.
Според ЦИК, тоа ќе биде направено откако ќе се отворат за пребројување гласачките кутии во кои се наоѓаат формуларите за резултати од политичките субјекти, пренесе Телеграфи.
„Во електронската платформа на првичните резултати ажурирани се податоците за 99,72 отсто или 2.526 избирачки места од 2.533 избирачки места. Значи, необработени останаа само податоците од 7 избирачки места. Тоа ќе се направи откако ќе се отворат на пребројување кутиите во кои се објавени формуларите за резултати на политичките субјекти“, велат од ЦИК.
ДВ- Каја Калас: Да го направиме функционален дијалогот Косово-Србија
Шефицата на дипломатијата на Европската унија, Каја Калас, во Брисел изјави дека ќе ја испита можноста заедно со новиот пратеник за дијалогот Косово-Србија, Петер Соренсен, дијалогот меѓу двете соседни земји да биде функционален.
„Само што назначивме специјален претставник за дијалог меѓу Белград и Приштина и ќе седнам со него во март да видиме како ќе продолжиме со ова и навистина сакам да видам како можеме да го направиме ова функционално. За ова се обратив и со министерот за надворешни работи на Србија и тој ми кажа дека навистина е подготвен да инвестира време во нормализацијата“, рече Каја Калас, пренесе Дојче Веле на албански јазик.
АЛБАНИЈА
Перископи: Велиај е ставен на опсервација во Затворот во Драч, по 48 часа ќе се утврдат понатамошни мерки
Еден ден откако Специјалниот суд го тргна „затворскиот притвор“ како безбедносна мерка, градоначалникот на Тирана Ерион Велиај, во четвртокот наутро пристигна во притворските ќелии во Драч.
Велиај се уште е во фаза на набљудување и се уште не се преселил во редовна просторија.
Според внатрешните правила на институцијата, тој првично бил сместен сам, како дел од стандардната процедура за проценка на неговата состојба, пренесе Перископи.
Во овој период тој не смеел да се сретне со никого, освен со неговиот адвокат и тоа само со посебна дозвола од обвинителството.
Набљудувањето кое трае 48 часа служи за утврдување на натамошните услови за неговиот престој во установата.
Топ Чанел -Протести за поддршка за Велиај, СПАК и ЃККО со писмо до Државната полиција и МВР: Да се преземат мерки, нарушен животите на судиите
СПАК и ЃЈКО испратија писмо до Државната полиција и МВР во врска со протестот организиран за поддршка на градоначалникот Ерион Велиај.
Од СПАК и ЃЈКО бараат објаснување зошто не се преземени мерки од институциите, нагласувајќи дека „Оваа институционална апатија несомнено е сериозно нарушување на независноста на судството“.
„Во исполнување на основните принципи на владеењето на правото и во согласност со уставните принципи на независноста на судската власт, органите на правдата мора да бидат апсолутно заштитени од секаков вид на напад или надворешно влијание.
Почитувањето на независноста на правосудниот систем е од суштинско значење за правилно функционирање на демократијата и за гарантирање фер правен процес за сите граѓани. Секој обид за влијание или поткопување на работата на органите на правдата е во спротивност со духот и Уставот на Република Албанија и со меѓународните обврски што нашата земја ги има преземено во рамките на владеењето на правото.“, се наведува меѓу другото во исцрпното писмо до Државната полиција, пренесе Топ Чанел.
КОЛУМНА
Панорама: Тиранијата на политиката со демократски кожув
„Начинот на соочување со едно големо прашање ја покажува зрелоста на едно општество и фазата на неговата политичка класа.
Албанската политика не разочара во тоа што и го припишуваме: Хаос. Вистинската дебата во последните неколку часа со апсењето на градоначалникот на Тирана, Ерион Велиај, каде што требаше да се занимава со преземање одговорност или задржување став за планината обвинувања против него, се претвори во арена на меѓусебни навреди и обвинувања меѓу СП и ДП. Но, зошто недостасува храброст за вистината?!“, пишува авторот Бен Андони во колумната „Тиранијата на политиката со демократски кожув“, објавена во албанскиот дневник Панорама.
Подготви: Д. Тахири / Цивил Медиа
