Новоизбраниот папа Лео XIV денеска ќе ја одржи својата прва голема миса како понтиф на Католичката црква во Сикстинската капела, соопшти Ватикан.
Портпаролот на Ватикан, Матео Бруни, им изјави на новинарите дека папата ќе се појави и на балконот на базиликата Свети Петар за пладневната молитва в недела.
Кардиналот од Чикаго, Роберт Френсис Превост, вчера по четири круга гласање беше избран за нов папа на Католичката црква по само 24 часа конклава во Сикстинската капела.
