Американскиот претседател, Доналд Трамп, изјави дека, иако Техеран изразува желба за разговори со САД, тој „не брза да започне преговори“.
-Тие би сакале да разговараат. Не брзам да разговарам, бидејќи го уништивме нивниот објект, изјави Трамп по враќањето во Вашингтон од посетата на Питсбург.
Како што објави вчера порталот Аксиос, повикувајќи се на информирани извори, американскиот државен секретар Марко Рубио и министрите за надворешни работи на Франција, Германија и Велика Британија се согласија во телефонски разговор да го постават крајот на август како де факто рок за постигнување нуклеарен договор со Иран.
