ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result

Јаневска: Ако се појави можност дел од образовните асистенти трајно да се вработат, со задоволство тоа ќе го прифатам

July 20, 2025 11:53
in ДЕНЕС, ОБРАЗОВАНИЕ, ПОЛИТИКА

Не може да се исполни барањето на родителите на децата со атипичен развој за трајно вработување на образовните асистенти зашто потребите во училиштата се променливи, вели министерката за образование Весна Јаневска. Во интервју за Радио Слободна Европа, таа порачува дека ако во иднина се појави можност дел од асистентите трајно да се вработат, тоа со задоволство ќе го прифати, но нема да дава лажна надеж.

Министерката најавува оптимизирање на дел од училиштата, но не прецизира колку од нив ќе бидат затворени. Информира дека некои школи се веќе со клуч на врата, веројатно околу стотина подрачни каде нема деца и таму на градоначалниците им се препорачува да ги пренаменат објектите – за старски дом или некаков клуб.

Во врска со резултатите од ПИСА тестирањата, Јаневска најмала грешка гледа во наставниците, а поголем притисок и  предизвик, како што нагласува, наоѓа кај родителите и целото општество.

-Мојата порака до родителите е да бидат мирни. Министерството, кое е надлежно за ресурсните центри кои што ги објавуваат конкурсите за образовни асистенти, комуницира, е во контакт и врши одреден надзор. Но, сепак, родителите треба да знаат дека најпрво училиштата пријавуваат колку образовни асистенти им се потребни. За тоа треба време, прво да се запишат децата, па училиштата да утврдат колку деца имаат со посебни образовни потреби за да можат да пријават до ресурсниот центар. Образовните асистенти не се трајно вработени. Причината е што потребите за нив секоја година се менуваат. Ако се зголемат потребите, ние го зголемуваме бројот на асистенти, објаснува Јаневска.

Минатата власт завршила со 300 асистенти помалку од оваа година.

-Тогаш биле ангажирани да речеме околу 1 000 асистенти, а сега се ангажирани 1 876 за основно образование. Предвидовме, без да ја знаеме реалната бројка што ја очекуваме и за средно образование околу 150 асистенти и обезбедивме средства за нив. Штом ги добиеме финалните бројки, ќе продолжиме со процедурите за обезбедување образовни асистенти, децидна е Јаневска.

Според неа, резултатите од ПИСА јасно ги лоцираат проблемите.

-Ќе почнам од најдалечните проблеми – тоа што несериозно се сфаќаше ПИСА тестирањето, и меѓу наставниците и меѓу учениците не беше јасно дека ПИСА тестирањето ја претставува државата. Друго, учениците, бидејќи знаеја дека тоа не е за оценка, многу лежерно се однесуваа кон ПИСА тестирањето. Трето, има грешки во преводите на ПИСА тестирањето, барем така ми кажуваат стручни лица, и тој превод ќе треба добро да се провери и да се направи посоодветен. Четврто, наставниците треба да знаат на што треба да обрнат внимание и ние тоа го работиме. Бирото за развој на образованието веќе работи со наставниците за да им посочи на што треба да обрнат внимание, кога децата се подготвуваат за животот – не за ПИСА тестирањето, вели министерката.

Нејзино лично мислење за објектите на ФЕИТ и факултетот за физичка култура, е дека намерно биле оставени 10 години, зашто се почнати како проект на ВМРО-ДПМНЕ, без да се размислува дека се во корист на студентите, професорите и знаењето. Тие две згради во овој мандат ќе бидат доградени, најавува јаневска. Ќе се почне со едната, па потоа ќе се продолжиме со другата.

-Научно-технолошкиот парк нема никаква врска со тие две згради. Тие две згради се политика на МОН, политика на државата, а научно-технолошкиот парк е неопходна потреба на државата, подвлекува министерката во интервјуто за Радио Слободна Европа.

Tags: Јаневска
Next Post

Загина мотоциклист на автопатот Табановце-Куманово

НАЈНОВО

Трамп укинува повеќе од 500 работни места во Гласот на Америка (ВОА) и други државни медиуми

August 30, 2025
Фото: Скриншот

(ФОТО) Невреме во Албанија: Прекинат авионскиот и поморскиот сообраќај, властите апелираат граѓаните да не излегуваат од дома

August 30, 2025
Фото: МИА

Во Кочани 20. Марш за ангелите: Нашите деца загинаа поради системот и соучесниците во униформа

August 30, 2025

НАЈЧИТАНО

  • Бранко Тричковски (фото: Чедо Поповски)

    Поглавицата легнува со жена, се буди со коњска глава, ја бакнува и оди на работа!

    0 shares
    Share 0 Tweet 0
  • Реконструкција на Владата – Дали ВМРО калкулира со ДУИ зад кулисите?

    0 shares
    Share 0 Tweet 0
  • Невреме и силни бранови го прекинаа 38. Охридски пливачки маратон

    0 shares
    Share 0 Tweet 0
  • „Џејмс Веб“ за прв пат ја сними кометата 3I/ATLAS – неочекувани резултати за нејзиниот состав

    0 shares
    Share 0 Tweet 0
  • ЗНАМ за ревизија на Бадентер: Максим Димитриевски ја поддржа изјавата на министерот Филков

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk