Во Скопје денеска е запленета една кеса со околу 100 грами прашкаста материја – кокаин, чија што вредност се проценува на околу 10.000 евра. Како што соопштуваат од Министерството за внатрешни работи, акцијата е резултат на претходна истрага и судска наредба, а лицето Е.Е. (41) е приведено и задржано за понатамошна постапка.
– Во рамки на континуираните полициски активности за сузбивање и откривање на кривични дела од областа на недозволената трговија со дрога, денеска (05.08.) во 01:00 часот од страна на полициски службеници од Единицата за наедозволена трговија при СВР Скопје, по претходно добиена Судска наредба за претрес, извршен е претрес на дом на лицето Е.Е. (41). Притоа полициските службеници открија и запленија една кеса со околу 100 грами прашкаста материја – кокаин, чија што вредност се проценува на околу 10.000 евра. Во координација и по насоки од надлежен ЈО лицето е лишено од слобода во Полициската станица од општа надлежност Бит Пазар каде што е задржан за понатамошна постапка, стои во соопштението од МВР.
По целосно документирање на случајот против истиот ќе следи соодветна пријава.
