Македонија скапо ја плаќа неспособноста на Владата на ВМРО-ДПМНЕ и Христијан Мицкоски. Фрапатни се податоците кои покажуваат дека по доаѓањето на ВМРО-ДПМНЕ на власт во 2024 година во земјава има над 17.000 помалку вработени, се наведува во соопштението од СДСМ, што МИА го пренесува интегрално, истакнуваат од СДСМ.
Тоа е директен резултат на погубните економски политики, хаосот и несигурноста, како и напуштање на политиките кои ги востастави СДСМ за стабилна и одржлива економија, се наведува во партиското соопштение.
Со оваа неспособна Влада:
-Пазарот на труд се стеснува, продуктивното население е разочарано и заминува.
-Фондот за пензиско осигурување е под притисок, бидејќи денес 1,63 вработени обезбедуваат една пензија, наместо 1,74 како што беше пред само една година.
Владата нема стратегија, нема визија, нема мерки за задржување и отворање на нови работни места.
Ова се последици од владеењето на Мицкоски, се зголемува несигурноста за младите, пензискиот систем се доведува во ризик а приватниот сектор е оставен сам да се снаоѓа, соопштуваат од СДСМ.
Граѓаните ја чувствуваат економската стагнација секој ден – на работа, на пазар, на семејна трпеза но за власта приоритет се манго, папаја, луксузни патувања за функционерите а не потребите на народот, се нагласува во соопштението од СДСМ.
