Израелскиот премиер Бенјамин Нетанјаху вчера посочи дека напорите за посредување во прекин на огнот во Газа сега се фокусирани на сеопфатен договор според кој сите заложници во Газа ќе бидат ослободени одеднаш, а не во фази.
Арапски претставници минатата недела изјавија дека медијаторите Египет и Катар подготвуваат нова рамка за договор што ќе вклучува ослободување на сите преостанати заложници одеднаш во замена за траен прекин на огнот и повлекување на израелските сили.
Делегација на Хамас вчера пристигна во Каиро на разговори за прекин на огнот, објави египетската државна телевизија, во знак дека разговорите продолжуваат.
Израел се закани дека ќе ја прошири својата воена офанзива против Хамас на делот од Газа што сè уште не го контролира и каде што повеќето жители побарале засолниште.
Плановите предизвикаа меѓународна осуда и критики во Израел и би можеле да бидат насочени кон зголемување на притисокот врз Хамас да постигне прекин на огнот. Милитантите сè уште држат 50 заложници земени во нападот на 7 октомври 2023 година, што ја предизвика војната. Израел верува дека околу 20 од нив се живи.
