По кибер нападот врз шведски добавувач на ИТ системи „Милјоедата“ на интернет протекоа лични податоци на околу 1,5 милиони луѓе односно на околу 15 проценти од вкупното население на Шведска.
Обвинителката Сандра Хелгадотир изјави дека во тек е истрага за кршење на податоците, но оти во моментот нема докази што укажуваат на вмешаност на странска сила.
Одговорноста за кибер нападот ја презеде групата „Датакери“ (Datacarry), која барала 1,5 биткоини (околу 150.000 евра) за да не ги објави податоците.
При кибер нападот украдени се податоци и на 164 општини и четири регионални власти. „Милјоедата“ соопшти дека украдените податоци, што содржат имиња, адреси и контакти се објавени на даркнет.
