Оскар Пјастри се избори за пол позицијата за последната спринт трка за сезонава во формула 1 на Lusail International Circuit во Катар. Тој успеа да биде најдобар во квалификациите, а пред сè подобар од неговите конкуренти за титулата светски првак Ландо Норис и Макс Верстапен.
Пјастри до првото место стигна со време 1:20.055 минута. Второто место му припадна на Џорџ Расел. Поради грешката во последниот круг Ландо Норис заврши како трет.
Верстапен е најголем губитник на квалификациите и по грешката квалификациите ги заврши на шестото место и со тоа ги намали шансите за висок пласман и за освојување на титулата.
Добар пласман постигна Фернандо Алонсо, кој успеа да се пласира на четвртото место.
Стартот на трката е утре (сабота) во 15 часот.
