– Загрижувачки се информациите дека печката за производство на фероникел во ФЕНИ е изгасена. Овој факт сериозно укажува дека новиот инвеститор, нема намера да започне со рестарт на фабриката, заради временскиот период на реконструкција и пуштање повторно во употреба на истата. Ова значи дека ФЕНИ ќе остане во целосен застој и понатаму, што претставува сериозна штета за еконосмкиот развој на градот и претставува слен удар за работниците од цлеиот регион. Пропаднаа сите изјави и најави на власта на ВМРО- ДПМНЕ, премиерот Мицкоски, градоначалникот Јанчев за наводен рестарт на компанијата. Власта ги остави работниците буквално на цедило, изјави на прес конференција Вуко Мелов, советник и претседател на ОО СДСМ Кавадарци.
„Иако во предизборните кампањи лесно власта даваше ветувања дека компанијата ќе ги исплати сите плати на работниците, ќе ги исплати сите доверители, и ќе започне за брзо со производство а со тоа ќе го врати работниците назад на своите работни места.
Од тоа денес во најголем дел нема ништо!
Голем број од работниците останаа без работа, без егзистенција. Работниците останаа без една исплатена плата, на дел од вработените не им е исплатена ниту една од платите кои им се должат. Доверителите, транспортерите исто останаа неисплатени!
Наместо рестарт на компанијата, враќање на работниците на работа, денес гледаме дека комбинатот е оставен да пропаѓа, а ВМРО-ДПМНЕ, на централно и локално не презема апсолутно ништо.
За Христијан Мицковски веројатно пропаста не уште една компанија, нема да е крај на свет, но за голем број на кавадарчани, компании ова е сериозен економски удар.
Ова само ја покажува целата неспособност на оваа власт која не може ниту да привлече нови, ниту ги задржи постоечките инвестиции.
Граѓаните на Кавадарци, работниците, очекуваат одговори што ќе преземе власта за решавање на овој горлив проблем“, истакна Мелов.
