Приштина, 12 септември 2026 – Десетици илјади граѓани денеска ги исполнија централните плоштади во Приштина попладнево на масовниот собир насловен „Марш за слобода“, организиран како поддршка за поранешните водачи на Ослободителната војска на Косово (ОВК) пред изрекувањето на првостепената судска пресуда во Хаг.
Колоната граѓани, која се протегаше од плоштадот „Захир Пајазити“ преку „Мајка Тереза“ до „Скендербег“, носеше бројни знамиња, транспаренти и пораки како „Слободата има име“ и „Цело Косово ве чека, ослободители!“.На собирот, организиран од граѓанската платформа „Слободата има име“ (Liria ka Emër), присуствуваа ветерани од војната, претставници на семејствата на обвинетите, граѓани од сите општини на Косово, од Северна Македонија, Албанија и дијаспората, како и голем број истакнати јавни и политички личности.
Маршот се одржува во пресрет на 16 септември, датумот кога Специјализираните совети на Косово (Kosovo Specialist Chambers) во Хаг треба да ја објават пресудата против поранешниот претседател Хашим Тачи, поранешните претседатели на парламентот Кадри Весели и Јакуп Красниќи, како и поранешниот пратеник Реџеп Селими.
Говорниците на собирот нагласија дека борбата на ОВК била праведна, одбранбена и ослободителна, испраќајќи порака дека во име на правдата не смее да се прекројува историјата ниту да се изедначува ослободителот со агресорот. Политички и граѓански претставници побараа целосно ослободување на четворицата поранешни челници, нагласувајќи дека само ослободителна пресуда ќе го потврди достоинството на борбата за слобода на Косово.
Д. Е.
Повеќе за политичкиот и правниот контекст прочитајте на ЦИВИЛ Медиа.
