Инструкторите ги дизенвицираа рацете и колите, ставија маски и ракавици. Истиот протокол го следеа и кандидатите кои полагаат за возачка дозвола. Вака почнаа првите часови на авто школите во земјава, а во едната од нив сведок беше екипата на Фронтлајн и од блиску следевме како почнува еден час на обука според новиот протокол од Министерството за здравство.
Од Авто-школата „Моменто” во Тетово ја поздравуваат владината одлука и тврдат дека Владата ги спаси од поголема криза која би можела да ги зафати. Благодарни што можат пак да работат и да делат плати, Мејрем Бакиу, изјави дека од сега натаму нивна одговорност ќе биде здравјето на кандидатите и вработените.
„Авто-школата Моменто ја поздравува одлуката на Владата за почеток со работа бидејќи ова беше повеќе од потребно за текот и продолжувањето на работата и активностите кои беа прекинати заради пандемијата. Барањата за полагање беа големи и ситуацијата преставуваше сериозен проблем во спречување на поголемите последици ако продолжеше и понатаму”, вели директорката Бакиу.
Таа рече дека ги добиле протоколите од Владата и на време се преземени сите мерки за работа по истиот, а најважно, за заштита на здравјето на вработените и кандидатите. Дизенфекцијата на просториите, колите и лицата како и заштитни маски и ракавици се веќе новото секојдневие во овој центар за обука на новите возачи.
„Ќе работиме на тој начин што на теоретските предавања кандидатите ќе држат дистанца од 2 метра. На практични часови и кандидатите и инструкторите носат ракавици, маски, дизенфекциски средства и по секој час се дизенфицира колата”, изјави Мејрем Бакиу, директорката на авто школата „Моменто“, кои вчера ги отворија канцелариите а од денеска веќе почнаа и со обука на кандидатите. Таа тврди дека здравјето на кандидатите ќе биди нивни приоритет, а протоколот ќе го почитуваат се додека одлуката е на сила.
А. Зеќири
видео-монтажа: А. Мехмети
