Американскиот Центар за контрола и превенција од болестите соопшти дека во САД од мистериозно белодробно заболување починале 34 лица, пренесува МИА. Болеста се поврзува со употребата на електронски цигари.
Според Центарот мистериозното белодробно заболување е регистрирано кај 1.604 лица во различни места во САД, а 34 потврдени случаи имало во 24 американски сојузни држави.
Иако точно не е утврдена причината за белодробното заболување, Центарот за контрола и превенција од болестите истакнува дека заедничко кај сите заболени е употребата на електронски цигари.
До сега во Европа нема податоци за белодробната болест.
