Папата Францискo годинава не планира да патува во странство, соошти Светата Столица, наведувајќи дека пандемијата на коронавирусот е преголема опасност за неговото здравје.
Програма на папата за патувања и онака беше речиси празна, бидејќи пред ударот на пандемијата во Италија беше планирано само едно негово службено патување, на медитеранскиот остров Малта, што беше закажано за крајот на мај, но подоцна и откажано.
Папата Францискo (83) има официјални покани да ги посети Ирак, Кипар, Индонезија и Црна Гора, а, исто така, тој самиот изрази желба да го посети Јужен Судан, каде што лично посредуваше во мировниот процес за завршување на граѓанската војна.
Првиот човек на канцеларијата за врски на Светата Столица, Матео Бруни, изјави дека ниту една од овие посети нема да се реализира во блиска иднина затоа што „Светиот отец годинава не планира патувања “
