Потпретседателот на ВМРО-ДПМНЕ, Владо Мисајловски на Фејсбук објави дека утрово околу 3 часот била „фрлена експлозивна направа“ во продавница во скопската населба Ѓорче Петров, што неговото семејство ја работи со децении, при што е причинета материјална штета.
МВР потврди дека денеса во 03.40 часот било пријавено оти на ул. „Ѓорче Петров“ излегува чад од пекара сопственост на Б.М. (62), а претходно се слушнала детонација.
– По пристигнување на полициските службеници на местото на настанот забележано е дека влезната врата е целосно извадена од лежиштето и причинета е материјална штета, па постои основано сомнение дека се работи за подметната експлозивна направа. Повредени нема. Се работи на расчистување на случајот, информираат од МВР.
