Привршуваат активностите со кои се реновираат оддели и се менува медицинскиот и немедицински инвентар во Универзитетска клиника за нефрологија.
– Станува збор за комплетно реновирање на првиот кат на клиниката, каде се сместени одделите за интензивна нега, одделот за трансплантација, како и одделот за акутна и хронична дијализа и хируршка сала за обезбедување васкуларни пристапи за хемодијализа (артеро-венски фистули, катетри и сл.), соопштија од Министерството за здравство.
Со реконструкцијата е предвидена комплетна промена на изгледот, која опфаќа инфраструктура, нови тоалети и санитарии и целосна промена на инвентарот.
Од Министерството посочија дека се обезбедуваат и нови болнички кревети и помошен немедицински мебел. Воедно е направена и комплетна замена на инвентарот во работните простории на медицинскиот персонал.
– За краток период направивме вистински пресврт во јавното здравство. Повеќе од 30 јавно-здравствени установи имаат комплетно нов изглед, известува министерот Филипче
