Талат Џафери, претседател на Собранието во заминиување смета дека ќе биде прекршен Деловникот за работа на Собранието, но и ќе се направи уставна повреда, ако претседателот Стево Пендаровски го додели мандатот, ан претходно не се избере претседател на Собранието.
„Неуставно е доделување мандат без да има претседател на Собрание кој ќе ги стави во функција другите рокови кои треба да ги следи Собранието, бидејќи на законодавниот дом роковите му започнуваат од моментот кога ќе го добие известувањето од шефот на државата дека мандатот е доверен. Неовластен човек не може да ги информира пратениците. Ова е форма пропишана во Деловникот. Секој процес кој може да започне, може да го стави под знак прашалник целиот изборен процес кој заврши. Ако некому му одговара тоа да го направи врз оваа основа, нека повели и нека го направи. Јас нема да бидам дел од натамошната јавна дебата, има надлежни институции кои треба да постапуваат со сила на закон“, изјави Џафери во емисијата „10 минути“ на Тв 21.
