Полноправното членство на Северна Македонија во ЕУ нема алтернатива ни во форма ни во содржина. Оваа е пораката која ја донела во Скопје, Потпретседателката на Сенатот на Франција Елен Конве-Муре, а им ја пренесува на пратениците од поголемите групи во тет-а-тет средби.
Прв со Конве-Муре се сретна пратеникот на СДСМ Хари Локвенец, кој за медиумите ја пренесе пораката на гостинката од Франција, и додаде дека реформите во ЕУ ќе завршат за брзо време.
На новинарско прашање дали тие реформи и новите правила можат да го одложат добивањето на датум, Локвенец одговори – „абсолутно не!”.
Пратеникот Хари Локвенец посочи дека се разговарало за исклучително важни актуелни теми, но оти сепак нашето членство во НАТО и одбраната и безбедноста биле приоритет на средбата. Според него, француската пратеничка експлицитно не кажала до кога може да биде ревидирана методологијата на пристапниот процес, но Локвенец потенцира дека алтернатива на европски пат на земјава нема ни во форма, ни во суштината поврзан со некои други светски меѓународни организации.
– Единственото решение е полноправно членство на Република Северна Македонија во ЕУ, што според мене е најважниот заклучок и она што можам да го пренесам, рече Локвенец по средбата. Тој посочи дека во рамки на ревизија на методологијата за исклучително кратко време би требало да бидат подготвени сите оние измени или, како што рече, „преформулација на внатрешните процедури кои всушност би ни помогнале и нам, заради тоа што не споделено е мислењето тука кај нас дека ревезирбилноста на процесот е наш интерес за суштински реформи и за вистинско постигнување и на европските стандарди меѓутоа и споделување на европските вредности
Потпретседателката на францускиот Сенат, Елен Конве – Муре денеска во Собранието имаше средби и со претседателите на комисиите за надворешна политика и за одбрана и безбедност, Антонио Милошоски, а подоцна ќе се сретне и со Артан Груби, прв човек на Комисијата за одбрана и безбедност.
Конве – Муре на средбите на своите соговорници им пренела пораки дека најскоро што ќе може ќе биде ревидирана методологијата за пристапниот процес во ЕУ, додека на Комисијата за одбрана и безбедност главна тема било и нашето зачленување во НАТО. “. Конве – Муве се сретна и со Милошоски, по што е најавена изјава на пратеникот, а потоа ќе разговара и го Груби. Утре таа ќе има официјална средба и со претседателот на Собранието Талат Џафери.
Предвидено е за време на нејзината дводневна посета на земјава да се одржи и конференција во Дипломатската академија на МНР, на која ќе се расправа за еволуцијата на европската одбрана.
Конве-Муре ќе ги посети Француските воени гробишта во Скопје, како и Спомен-куќата и музеј која беше свечено отворена во мај 2018 година, за да им оддаде почит на 3.000 војници кои почиваат таму.
А. Зеќири
