По постигнатиот договор меѓу СДСМ и ДУИ за формирање парламентарно мнозинство и формирање влада, веќе се познати се и персоналните решенија во новиот владин состав, стои во текст на 360 степени.
Во новата влада, министри од СДСМ се:
Љупчо Николовски – вицепремиер
Фатмир Битиќи – вицепремиер за економија
Никола Димитров – вицепремиер за европски прашања
Оливер Спасовски – министер за внатрешни работи
Радмила Шекеринска – министерка за одбрана
Венко Филипче – министер за здравство
Мила Царовска – министерка за образование и наука
Бојан Маричиќ – министер за правда
Благој Бочварски – министер за транспорт и врски
Јахода Шахпаска – министерка за труд и социјална политика
Ирена Стефоска – министерка за култура
Аријанит Хоџа од БЕСА го добива Министерството за земјоделство, а Горан Милевски од ЛДП останува министер за локална самоуправа.
Од ДУИ, во новиот владин состав влегуваат:
Артан Груби – прв вицепремиер и министер за политички систем
Фатмир Бесими – министер за финансии
Бујар Османи – министер за надворешни работи
Крешник Бектеши – министер за економија
Насер Нуредини – министер за животна средина
Од ДУИ соопштија дека за Министерството за информатичко општество и администравија дополнително ќе се одлучува. Како што дознаваме, кандидатката за оваа позиција, Ширет Елези, не поминала на вечерашниот Централен совет на ДУИ. Таа досега беше заменик-министерка за финансии.
Извор: 360 степени.
