По дводневна дебата, пратениците во Собранието ја изгласаа новата влада на Република Северна Македонија.
Вкупно гласаа 113 пратеници. За гласаа 62 пратеници, против гласаа 51 пратеник , додека воздржани немаше.
Како што претходно во своето излагање премиерот Зоран Заев најави, приоритети на новата влада во четири годишниот мандат ќе бидат економијата, здравството, екологијата, правдата, еднаквоста и патот на Македонија кон ЕУ .
Вториот владин кабинет го сочинуваат 19 министри.
За членови на Владата се избрани: Оливер Спасовски – министер за внатрешни работи, Радмила Шекеринска – министерка за одбрана, Бојан Маричиќ – министер за правда, Благој Бочварски – министер за транспорт и врски, Венко Филипче – министер за здравство, Мила Царовска – министерка за образование и наука, Јахода Шахпаска – министерка за труд и социјална политика и Ирена Стефоска – министерка за култура, Бујар Османи – министер за надворешни работи, Фатмир Бесими – министер за финансии, Крешник Бектеши министер за економија, Насер Нуредини министер за животна средина и Јетон Шаќири, министер за информатичко општество и администрација, Аријанит Хоџа – министер за земјоделство, шумарство и водостопанство и Горан Милевски министер за локална самоуправа.
