Педро Санчез, премиерот на Шпанија му го честитал новиот премиерски мандат на лидерот на СДСМ Зоран Заев. Честитка премиерот Заев добил и од грчкиот премиер Киријакос Мицотакис. Минатата година, по изборите во Грција, Заев меѓу првите му го честиташе изборот на Мицотакис, пренесе А1он.
Во честитките политичарите изразуваат спремност за зајакнување на соработката на политички и економски план, како и силна поддршка за нашата интеграција во ЕУ, велат од Кабинетот на премиерот за „А1он“.
До Заев честитки стигнале и од Јанез Јанша, кој годинава во март третпат беше избран за премиер на Словенија, од премиерот на Хрватска, Андреј Пленковиќ, oд премиерот на Бугарија Бојко Брисов, од премиерот на Италија Џузепе Конте, од американскиот државен секретар Мајк Помпео и од амбасадорката на САД во земјава, Кејт Брнз.
Congrats to @NATO’s newest member and to Prime Minister @Zoran_Zaev on the formation of a new government. https://t.co/xffpb6V6hK
— Secretary Pompeo (@SecPompeo) September 2, 2020
Čestitke kolegi @Zoran_Zaev i njegovoj Vladi na dobivenom povjerenju. Puno uspjeha u vođenju ??. Nastavljamo jačati političke i gospodarske odnose, a ?? će i dalje snažno podupirati europski put ??. pic.twitter.com/hlRau6ZUvG
— Andrej Plenković (@AndrejPlenkovic) August 31, 2020
Честитки за премиерот Зоран Заев и за парламентарното мнозинство по повод формирањето на новата влада. Како пријател и партнер очекувам соработка со Владата, континуиран напредок во однос на реформиските цели на ЕУ и одлучна заложба за владеење на правото, напиша амбасадорката Брнз на „Твитер“.
Congratulations to Prime Minister @Zoran_Zaev & the parliamentary majority on the formation of a new government in ??. As a friend & partner, we look forward to working with @vladamk to demonstrate continual progress on EU reform goals & unwavering commitment to the rule of law.
— Ambassador Kate Byrnes (@USAmbNMacedonia) August 31, 2020
Меѓу првите на Заев новиот премиерски мандат му го честиташе германската канцеларка Ангела Меркел.
„Ви честитам за реизборот за премиер на Република Северна Македонија. Северна Македонија и Германија се поврзани со тесно партнерство, билатерални врски, и како сојузници во НАТО“, стои во честитката од канцеларката Меркел.
Меркел посочи дека германската Влада целосно ја поддржува целта за поголемо доближување на земјата до Европската унија.
„Од клучно значење на тој пат е посветено продолжување на реформите“, вели германската канцеларка во честитката.
Со 62 гласа „за“, Собранието пред пет дена ја избра новата влада во која повотрно за премиер беше избран лидерот на СДСМ Зоран Заев. На седницата присуствуваа 115 пратеници. Од нив гласаа 113 пратеници. Против гласаа 51 пратеник.
Извор: А1он.
