Овенот е опседнат со шопинг
Припадниците на овој знак се бестрашни и големи ентузијасти на сите полиња од животот, па и во нивните опсесии. Тие постојано бараат нешто ново, и тој порив најчесто го задоволуваат со часови шопинг. Нивната опседнатост со купување оди во крајности во толкава мера што понекогаш дури им го контролира животот.
Парите и луксузот се главна опсесија на БикотБиковите се стабилни, упорни и издржливи и овие квалитети им помагаат да стекнат добра позиција на работното место. Не се плашат напорно да работат и тоа само со една цел, да стекнат што повеќе пари. Добрата состојба на тековната сметка им овозможува уживање во луксузот кој го ценат колку што ги ценат парите, но не се воздржуваат да трошат и на други работи.
Близнаците се опседнати со техника
Веселите и дружељубиви припадници на овој знак се опседнати со техника, која им овозможува подобра комуникација со оние кои ги сакаат. Тоа е нивниот прозорец кон светот, а особено ја ценат слободата што им ја овозможуваат новите технички достигнувања. Слаба точка им е и модата, па подготвени се да потрошат цел ден на правење комбинации со новите модни трендови.
Ракот копнее по успех
Сочувствителните Ракови се секогаш спремни да помогнат, но само ако тоа не се коси со нивните убедувања. Тие јасно ги искажуваат нивните ставови и на сите им ставаат до знаење што им се допаѓа, а што не. Копнеат по успех во приватниот живот и сакаат да имаат среќно семејство, а за тоа се подготвени да ги надминат и нивните граници.
Надмоќ – главна опсесија на Лавот
Припадниците на овој знак имаат една аристократска особина која ги поттикнува да бидат најдобри во сѐ. Токму тоа е нивната најголема опсесија – надмоќ и супериорност над другите. Тиа сакаат да им покажуваат на другите колку добро им оди во животот и дека одлично се снаоѓаат на сите полиња.
Девицата сака совршен ред
Педантните Девици се опседнати со одржување ред, па често целиот живот го организираат според тоа. Многу ценат точност и дисциплина, а ако некој тоа им го поремети, веднаш почнуваат да драматизираат. Опсесијата со совршено организиран дневен распоред кај нив се граничи со опсесивно-компулсивно однесување.
Вагата сака рамнотежа
Вагите се склони кон претерано анализирање, затоа не изненадува фактот дека се опседнати со рамнотежа во животот. Тој баланс се обидуваат да го достигнат со убави работи, без разлика дали се работи за накит, патувања или гардероба. Проблемот е во тоа што не можат да го контролираат тој нагон, па понекогаш шопингот може да ги извади од такт.
Скорпиите се опседнати со лојалност
Скорпиите се познати по мистериозниот и посесивен карактер, па постојано бараат искреност и лојалност. Тие сакаат односи кои се темелат на доверба, а за своја опсесија ја сметаат желбата за знаење. Секогаш се спремни да покажат колку знаат, а тоа често им оди на нерви на оние околу нив.
Патувањата се главна опсесија на Стрелците
Исто како Овните, и Стрелците сакаат авантури и акција. Додека другите се опседнати со надмоќ и искрени односи, нивна опсесија се патувањата и тие ќе направат сѐ за што почесто да патуваат, зашто само така можат да се ослободат од вишокот енергија по која се познати
Јарецот е опседнат со себеси
Повеќето знаци се опседнати со материјани работи, но тоа не е случај со Јарецот. Поради неговиот егоцентричен карактер тој прави сѐ во своја корист, без оглед на тоа дали ќе повреди некого или не. Тој мора да постигне успех и многу го почитува принципот „целта ги оправдува средствата“, освен ако не го надвладее стравот дека ќе изгуби нешто поважно.
Водолијата сака да биде креативна
Шармантните припадници на овој знак имаат потреба да бидат најкреативни во нивното друштво и секогаш нешто создаваат и измислуваат, но тоа го прават повеќе за лична сатисфакција отколку за успех. Иако им годат признанијата, повеќе им значи да бидат прогласени за креативни, отколку за успешни.
Рибите сакаат „нездрави“ навики
Рибите се вистински фантазери кои живеат во свој свет, па не изненадува фактот дека лесно се навикнуваат на нездрави навики, како што се брза храна, коцкање или алкохол. Ако пробаат нешто и тоа им се допадне, тие толку се опседнуваат, па дури и стануваат зависни.
Извор: Слободен печат
