ВМРО-ДПМНЕ која е навикната само на земање од граѓаните, денеска во Собранието повторно се обидува да го попречи носењето на Законот за минимална плата, но и измените на Законот за стечајци, се вели во писмената реакција на СДСМ.
„Ништо ново од ВМРО-ДПМНЕ, партијата која не може да се помири што конечно парите се враќаат кај граѓаните, наместо да завршуваат во белиот дворец. 11 години ВМРО-ДПМНЕ беше против зголемување на платите, 11 години ги игнорираше стечајците и ја злоупотребуваше нивната мака, а денес оваа партија го прваи истото и како опозиција, преку закани за блокада на работата на собраниската Комисија за труд и социјална политика. Јасно е, ВМРО-ДПМНЕ и Христијан Мицкоски не сакаат минималната плата да порасне на 14.500 денари. ВМРО-ДПМНЕ и Мицкоски не сакаат да се зголеми опфатот на стечјани работнции кои ќе добиваат месечен надоместок до пензионирање за кончено да се реши долгогодишната неправда. Деструкција, грабање на парите на граѓаните и силно противење на секоја мерка што го унапредува животниот стандард на семејствата. Тоа е понудата на ВМРО-ДПМНЕ и Мицкоски“, се наведува во реакцијата.
Од СДСМ велат дека нема дилеми дека со таква понуда ги очекува само пораз на изборите на 12 април.
„Граѓаните нема да дозволат обнова на грабежот на народните пари. Без разлика колку и да не им се допаѓа на Мицкоски и ВМРО-ДПМНЕ, минималната плата ќе се покачи на 14.500 денари, а сите стечајни работници ќе добиваат месечен надоместок се до нивно пезнионирање“, се наведува во партиското соопштение.
На одложувањето на изгласување на раст на минимална плата и измени на законот за стечајци, на својот Фејсбук профил реагираше и Љупчно Николовски, генерален секретар на СДСМ.
„Денес се случи скандал од страна на ВМРО-ДПМНЕ, во Собранието. ВМРО-ДПМНЕ, во комисијата за труд и социјална пoлитика одби дискусија за да се обештетат стечајците. Исто така по завршување на дискусијата за законот за минимална плата, одбија да го стават предлогот на гласање за законот да продолжи во понатаношна фаза во Собранието. ВМРО-ДПМНЕ се против граѓаните. ВМРО-ДПМНЕ работи против интересите на граѓаните! – напиша генералниот секретар на СДСМ Љупчо Николовски.
