На границата меѓу Италија и Франција минатиот викенд дојде до огромно невреме што предизвика зголемување на нивото на водата во реките, а потоа и до сериозни поплави.
Во Италија загина волонтер пожарникар, а бројни села се отсечени од светот.
Обилниот дожд паѓаше од петокот до саботата, а најмногу влијаеше врз сливот на реките Тоце, Танаро, Биелезе и Сези.
Во Франција најмногу е погодена областа околу Ница.
Акциите за расчистување на теренот ќе траат со денови, наведуваат спасувачките служби.
Италијанскиот премиер Џузепе Конте на Фејсбук објави дека прво нешто што треба да се направи е да се поврзат отсечените места со остатокот од земјата.
