Британскиот премиер Борис Џонсон вети денеска дека ќе соработува со украинскиот претседател Володимир Зеленски, со цел да се намали „малигното влијание“ на Русија и истовремено и понуди помош на оваа источноевропска земја.
Британија и Украина постигнаа договор за партнерство во слободната трговија, кој вклучува се што е поврзано со стоката, разни услуги, царини и квоти.
– Двајцата лидери разговараа и колку е значајно да се намали руското малигно влијание, како во Украина, така и во регионот, соопшти Даунинг стрит.
Тие, исто така, изразија загриженост и поради ситуацијата во Белорусија.
– Премиерот на Велика Британија најави дека неговата земја соодветно ќе одговори за кршењето на човековите права во Белорусија, што вклучува и санкции, се додава во соопштението./МИА/
