Претседателот на СДСМ и премиер на државата, Зоран Заев, заедно со сопартијците на пригодна комеморативна седница оддадоа почит на пулмологот Трајче Нешковски кој загина во сообраќајна несреќа. Нешковски бил секретар на СДММ и почитуван и ценет меѓу своите соработници. Многумина преку социјалните мрежи се простија од него со споделување фотографии и изразија сочуство.
Денеска, на комеморативна седница, оддадовме почит за прерано починатиот другар Трајче Нешковски и изразивме сочувство до семејството и блиските пријатели.
Со прераната смрт на Трајче, СДСМ загуби чесен, професионален, искрен член и борец со визија, со храброст и решителност.
Неговиот ангажман како секретар на СДММ, а потоа и како истакнат член на СДСМ е пример за тоа како млад човек може да се вгради во борбата за подобро утре, за промени во оштеството, за слобода, демократија. Сегашните и идни членови на СДММ и СДСМ, имаат вистински модел за тоа.
Загубата на Нешковски не е само загуба за неговото семејство, пријателите, младите, не е само загуба за СДСМ, тоа е загуба и нашата држава, за нашето македонско здравство.
Трајче дaваше сѐ од себе во борбата против коронавирусот, даваше сѐ од себе да им помогне на оние кои имаа потреба од помош.
Во овие моменти на силна болка, да најдеме утеха во големината на Трајче, во вредностите што ги остави зад себе. И како човек и како доктор и како член на СДСМ.
Јас, но и сите кои го познаваа Трајче засекогаш ќе го носиме во нашите срца, во нашите мисли. Слава му, напиша премиерот Заев на својот профил на Фејсбук по комеморативната седница која се одржа во седиштето на Социјалдемократскиот сојуз во чест на прерано починатиот пулмолог, д-р Трајче Нешковски.
Д. Е.
