Учество на најдобрите светски и домашни експерти, како и награден фонд од 100.000 денари, најавуваат организаторите на Skopje Photo Week” (Скопје Фото Недела) – (SPW2020).
Меѓународниот настан одбележува петгодишен јубилеј, а ќе се одржува денеска и утре. Традиционално го организираат Ангеловски Фотографија и Грег Момент од Полска, но годинава во поинаков, онлајн формат, поради корона кризата, како и со различно име.
Изминатите четири изданија беа насловени International Summit of Photographers & Videographers (ISPV).
-Петта година по ред, Скопје е домаќин на најдобрите фотографи. Сите заинтересирани може да го следат настанот во живо, а учесниците бесплатно да се регистрираат на https://www.facebook.com/events/407702710250436/, велат Ангеловски Фотографија и Грег Момент.
