Одржувањето на пописот во пролетта 2021 година е фиксна работа, порача денеска премиерот Зоран Заев во неговото гостување во емисијата Утрински брифинг и апелираше Собранието да го донесе потребниот закон. „Пописот треба да се одржи во април 2021 и бегање нема.
Апелирам до Собранието брзо да го донесе Законот, заради тоа што е заглавен во Собранието и треба, според мене, да го донесат до крајот на годината за навреме да бидеме подготвени“ порача Заев додавајќи дека веќе е направена проба на пописот во оваа година, со цел да се направи попис во 2021 година.
