Уште 1000 нови стечајни работници, ќе бидат опфатени со Новиот Закон за стечајни работници. Со тоа, вкупната бројка на стечајни работници, кои ќе земаат по 8500 денари месечен надомест се до нивното пензионирање, се искачи на 12000 стечајци.
„Вчера Владата предводена од СДСМ го усвои Предлог Законот за материјално обезбедување на невработените лица поради приватизација на претпријатијата во доминантна државна сопственост, во јавноста познат како Закон за стечајци.
Со Предлог – законот, се проширува опфатот со нови 1000 стечајни работници на кои им се решава статусот со месечен паричен надоместок до моментот на нивно пензионирање.
Досега со овој закон обесштетени се 11000 стечајни работници кои добиваат месечен надоместок од околу 8.200 денари до нивно пензионирање.
Со новите измени, вкупниот број на опфатени стечајни работници ќе биде 12.000.
Преку оваа мерка исправаме долгогодишна неправда нанесена кон наши сограѓани, кои не по своја вина останале без работа и без месечни примања.
Заложбите на СДСМ за решавање на децениските проблеми и обезбедување фер и праведно општество се реализираат. Се грижиме за граѓаните.
Низ конкретни мерки градиме фер и праведно општество што дава шанса на сите, преку активни политики обезбедуваме повеќе пари кај граѓаните и достоинствени услови за живот за сите.“ – истакна на прес конференцијата пратеничката од редовите на СДСМ и коалицијата Јагода Шахпаска.
извор: МИА
Discussion about this post