Премерот Зоран Заев на својот Twitter профил му се заблагодари на шпанскиот премиер Педро Санчез, за поддршката што Шпанија ѝ дава на Северна Македонија за членство НАТО и интеграцијата во ЕУ.
„Силна поддршка од Шпанија за членство во НАТО и нашата интеграција во ЕУ….Со нашиот пријател, премиерот Санчез. Се радуваме на сојузништвото кое претстои. Му посакав успех на изборите на 11 ноември“, напиша Заев на Twitter.
Премиерот Зоран Заев и министерот за надворешни работи Никола Димитров остварија средба и со високите претставници на Стејт Департментот на САД,
помошникот на државниот секретар Филип Рикер и специјалниот претставник
за Западен Балкан Метју Палмер, на маргините на 74. Генерално собрание на ОН во Њујорк.
На средбата, Заев, како што соопштија од владата, истакнал дека Северна Македонија е целосно фокусирана во овој период на обезбедување датумот за старт на
преговорите со ЕУ во октомври, како и за напредок во ратификацијата на
Протоколот за пристапување во НАТО – двете стратешки цели за државата за
чие остварување САД дадоа огромен придонес. Овие цели за Северна Македонија произлегуваат и од Договорот за стратешко партнерство со САД, во кој евро-атлантските интеграции на земјата се приоритет за обезбедување на стабилноста и сигурноста на земјата, како и на регионот.
Претставниците на Стејт Департментот се интересирале и за актуелните политички случувања во нашата земја. Тие, како што информираат од владата, ја нагласиле нивната и поддршката на САД, во спроведувањето на реформите, особено во делот на правната држава, владеењето на правото и борбата против корупцијата, како прашања од важност за да се оствари очекуваната цел – датумот за старт на преговорите со ЕУ, што е од интерес и
на САД.
Извор: Twitter
Discussion about this post