СДСМ најавува две нови кампањи за приближување до граѓаните и ребрендирање на партијата

Високи претставници на СДСМ брифираат дека во текот на летото биле извршени многу промени во реорганизација на политичката партија. Во рамки на реорганизацијата назначени се нови 168 раководители на сектори и комисии, со цел да се приближат граѓаните до социјалните проблеми и да се приближат до решавање на проблемите на локално ниво.

Во тек се завршните подготовки за ребрендирање на политичката партија. Партијата ќе ги преземе црвената и белата боја кои се симболи на социјалдемократијата.

СДСМ на 5 октомври, или оваа сабота, започнува со нова кампања „На прав пат“ која ќе започне од Штип и на истата ќе учествува највиското партиско раководство. Ќе бидат организирани 10 поголеми и две помали трибини. Од 20 октомври ќе започнат и теренски посети на домовите („од врата на врата“) каде граѓаните ќе имаат можност да се информираат за владините мерки, но и да ги информираат комисиите дали се задоволни од работата на функиционерите, да даваат предлози и да ги изнесуваат своите барања… Граѓаните ќе добиваат и прашалници за да се изјаснат дали се, или не се задоволни од услугите на институциите на локално и на централно ниво.. .Комисиите ќе работат исклучиво на терен.

Во завршна фаза се и подготовките за реорганизација и зајакнување на Аналитичкиот центар на СДСМ кои ќе биде наменет за решавање на граѓаните. Ќе се спроведат 20 анкети за проблеми на локално ниво.

На брифингот беше истакнато дека градоначалниците се жалат дека многу нивни проекти се заглавени во институциите на централно ниво.

Во духот на транспарентноста, од СДСМ брифираат дека се свесни за одредени проблеми и ги охрабруваат градоначалниците да го следат примерот на оние кои вршат креативен и позитивен притисок врз министерствата, а како позитивен пример беше издвоен градоначалникот на Кавадарци, Митко Јанчев. Тие нагласуваат дека секако тука е и поддршката од меѓународните институции и организации, како ИРИ и НДИ.

Достапноста на партијата е максимална, што значи дека ќе биде полесно да се решат сите проблеми на граѓаните, од било каде низ земјата, велат од политичката партија.

И. Т.