Министерот за здравство Венко Филипче посети неколку аптеки во Општина Струга, за да се информира како тече мерката за укинување на квотите за лекови на рецепт, пренесува МИА.
– Струга беше една од првите општини во која ги укинавме квотите за лекови на рецепт во аптеките. Граѓаните во овој регион, од месец август имаат достапни лекови во секое време. Тие повеќе не стравуваат дека може да останат без потребната терапија. Го решивме деценискиот проблем, граѓаните имаат лекови во почетокот, на средината и кон крајот на месецот.
По интензивната работа на терен преку летото, секојдневно сме активни и сега, имаме слух за решавање на проблемите и покажуваме резултати на дело.
Укинување на квотите, реформите во примарната здравствена заштита, реновирање и подобрување на условите во јавните здравствени установи, како и набавка на опрема се само дел од работите кои ги направивме за подобрување на здравството и за исполнување на дадените ветувања, изјави министерот Филипче.
